DERMIUREA 30% 200ML

Urea indikohet gjerësisht në dermatologji për trajtimin e lëkurës së thatë, shumë të thatë dhe të çarë. Ajo vepron si agjent hidratues dhe ndihmon në rikthimin e funksionit barrierë të lëkurës. Përqendrime të ndryshme të uresë lejojnë përshtatjen e trajtimit sipas patologjisë së lëkurës dhe shkallës së hiperkeratozës. Zgjedhja e përqendrimit bëhet në varësi të nevojave terapeutike dhe gjendjes klinike të pacientit.

Dermiurea30% është një krem dermatologjik i indikuar për gjendje që kërkojnë veprim keratolitik intensiv dhe bakteriostatik. Në këtë përqendrim, urea zbut dhe redukton shtresën kornore të trashur, duke e bërë atë më elastike dhe fleksibile. Mekanizmi i veprimit bazohet në rritjen e përmbajtjes së ujit  dhe në fragmentimin e lidhjeve të keratinës epidermale, duke favorizuar deskuamimin e kontrolluar të lëkurës.

Produkti ushqen, mbron dhe rigjeneron lëkurën në thellësi.

Përdorimi: Aplikojeni kremin në mbrëmje në zonat që do të trajtohen, duke e masazhuar lehtë deri në përthithje të plotë. Ditën pasuese, pas pastrimit të zonës me xhel dushi, përsëriteni aplikimin. Pas 5–6 ditësh përdorimi të vazhdueshëm, lëkura bëhet më e butë dhe më elastike, duke lehtësuar heqjen e shtresave hiperkeratotike.